Хиджабтағы әйел көшеде қыздарға тиісіп, «түрмеде шірітемін» деп қорқытқан

Фото: видеодан скрин

Астанада хиджаб киген бейтанысәйел көшеде бара жатқан жас қыздардың киіміне тиісіп, үлкен жанжал шығарды. Ол бойжеткендердің сырт келбетін сынап, «ерлердің нәпсісін қоздырмаңдар», «Еуропаға еліктемеңдер» деп айғайға басқан. Асығыс екенін айтып кете бермек болған қыздарды «соттатамын» және «түрмеде шірітемін» деп сес көрсетіп, қоқан-лоққы жасаған.

Жапа шеккен бойжеткен «102» арнасына хабарласқанымен, оқиға орнына полиция келмей, шақыртуды жауапсыз қалдырған. Бойжеткен өзінің киімі ашық-шашық болмағанын, ал бейтаныс әйелдің бұл әрекеті азаматтық құқыққа қол сұғу екенін айтады. Мемлекеттік органдар тарапынан ешқандай реакция болмауы қоғамда тәртіп пен қауіпсіздік мәселесін қайта күн тақырыбына шығарды.

Видео: Madeniportal.kz