«Ақ періштем, мәңгі сағынышым»: Әнші Наркенже Серікбаева әсерлі жазба жариялады

Фото: Ozgeris.info

Танымал әнші Наркенже Серікбаева әлеуметтік желідегі парақшасында марқұм анасына арнап жүрекжарды жазба жариялап, сағынышын жеткізді, деп хабарлайды Qazaqtoday.info ақпарат порталы.

Өнер иесі анасының туған күні қарсаңында бауырларымен бірге еске алып, өміріндегі өлшеусіз орны туралы сыр шертті.

“Ертең Анашымның туған күні. Анашым! Ақ періштем! Мәңгі сағынышым менің! Тірі болғаныңызда бүгін мерей тойыңызды тойлап, бір марқайып қалар ма едік? Амал нешік арамызда жоқсыз. Бауырларымызбен бірге зиярат етіп, құран бағыштап, дұға етуден басқа амалымыз жоқ. Алтын құрсағыңызбен, алтындай бауырларымды өмірге алып келгеніңіз үшін рахмет, Анашым. Сіз бар жердің бәрі бізге “ЖҰМАҚ” еді. Қазіргі жұбанышым — бауырларым, перзенттерім. Тек шүкір деймін, өзіңдей асылдан туғаныма. Ешбір адам Анасының алдындағы қарызын өтей алмас. Өзің берген ақ батамен, өзің берген тәрбиемен, өзің берген мейіріммен басымды тік көтеріп, алға қарай жүріп келемін. Менің жасаған әр бір игі ісім сіздің жолыңызда садақа”, — деп жазды ол.

Жазбасы көпшіліктің жүрегін елжіретіп, желі қолданушылары  әншіге қайғыра көңіл айтты.