Дастан Сәтпаев «Челси» – «Ювентус» матчынан кейін қандай баға алды?
Фото: ФК «Челси»
Flashscore спорттық статистика сервисі Англияның «Челси» және Италияның «Ювентус» клубтары арасындағы жолдастық кездесуден кейін футболшылардың бағаларын жариялады, деп хабарлайды Qazaqtoday.info ақпарат порталы.
Sportarena.kz мәліметінше, матч Гонконгта өтіп, туриндік ұжымның 1:0 есебіндегі жеңісімен аяқталды. Кездесудегі жалғыз голды 68-минутта Эдон Жегрова соғып, «Ювентусқа» жеңіс сыйлады.
Матч қорытындысы бойынша Flashscore сарапшылары қазақстандық «Қайрат» клубының түлегі Дастан Сәтпаевтың ойынын 6,5 ұпайға бағалады.
Ал ойынның үздік футболшысы атанған «Ювентус» жартылай қорғаушысы Эдон Жегрова жеңіс голының арқасында 7,8 ұпай жинап, кездесудегі ең жоғары бағаға ие болды.
