Қазақ балуаны грек-римнен әлем чемпионы атанды
Фото: olympic.kz
Қазақстандық балуан Дияр Аманәлі грек-рим күресінен Әзірбайжанның Баку қаласында өтіп жатқан U17 әлем чемпионатында чемпион атанды, деп хабарлайды Qazaqtoday.info ақпарат порталы.
55 келіге дейінгі салмақ дәрежесінде белдескен отандасымыз финалда венгриялық Кеве Ковачпен кездесіп, жеңіске жетті. Осылайша Дияр Аманәлі әлем чемпионатының алтын медалін иеленді.
Қазақстандық балуан жарыс жолында Грекия өкілі Николаос Зинисті, ресейлік Эдем Пайзиевті, грузиялық Георгий Кеделидзені және Болгария спортшысы Данимир Йордановты жеңіп, финалға жолдама алды.
Айта кетейік, бұған дейін 48 келіге дейінгі салмақта сынға түскен Әли Алмас күміс медаль жеңіп алған еді.
Осылайша Қазақстан құрамасы U17 әлем чемпионатында екі жүлдеге қол жеткізді.
