Қазақстанның Өзбекстан, Ұлыбритания және Румыниядағы жаңа елшілері тағайындалды
Президент Қасым-Жомарт Тоқаевтың жарлығымен Ералы Тоғжанов Өзбекстанға, Әлібек Бақаев Ұлыбританияға, Амангелді Саинов Румынияға елші болып тағайындалды.
Мемлекет басшысының жарлығымен үш мемлекетке жаңа елшілер тағайындалды, деп хабарлайды Qazaqtoday.info сайты.
Ералы Лұқпанұлы Тоғжанов Қазақстан Республикасының Өзбекстан Республикасындағы Төтенше және Өкілетті Елшісі қызметіне тағайындалды. Әлібек Әсетұлы Бақаев Қазақстан Республикасының Ұлыбритания және Солтүстік Ирландия Құрама Корольдігіндегі Төтенше және Өкілетті Елшісі болып тағайындалып, бұрынғы лауазымынан босатылды. Амангелді Ғазезұлы Саинов Қазақстан Республикасының Румыниядағы Төтенше және Өкілетті Елшісі лауазымына тағайындалды.
