Қасым-Жомарт Тоқаев Камбоджа премьер-министрімен кездесті
Қазақстан Президенті Қасым-Жомарт Тоқаев Шанхайда өткен Әлемдік жасанды интеллект конференциясында Камбоджа премьер-министрі Хун Манетпен кездесіп, сауда-экономикалық ынтымақтастықты талқылады.
Шанхайда өтіп жатқан Әлемдік жасанды интеллект конференциясы аясында Қазақстан Президенті Қасым-Жомарт Тоқаев Камбоджа премьер-министрі Хун Манетпен кездесті, деп хабарлайды Qazaqtoday.info сайты.
Мемлекет басшысы Қазақстанның Камбоджамен достық пен өзара құрметке негізделген әріптестікті жоғары бағалайтынын айтты. Президент екі ел арасындағы сауда-экономикалық ынтымақтастыққа оң серпін беру үшін үлкен әлеует бар екенін атап өтті.
Оның пікірінше, тауар айналымын арттырудың ең перспективалы бағыттарына ауыл шаруашылығы, тоқыма өнеркәсібі, туризм, құрылыс, тамақ өнеркәсібі, көлік және логистика жатады. Атап айтқанда, Қазақстан астық, тыңайтқыштар және басқа да аграрлық өнімдерді жеткізуді ұлғайтуға дайын.
Сонымен қатар, БҰҰ электрондық үкімет даму индексі бойынша 24 көшбасшы елдің қатарына кіретін Қазақстан озық технологиялар саласындағы тәжірибесімен бөлісуге әзір.
