Бокс әлем чемпионы тұрмыстық зорлық-зомбылық жасады деген күдікке ілікті
Бокс әлем чемпионы Теміртас Жүсіповтің жұбайы ауыр халде ауруханаға түсті. Әйелдің сіңлісі спортшыны ұзақ жылғы зорлық-зомбылықпен айыптады. Полиция іс қозғады.
Бокстан әлем және Азия чемпионы Теміртас Жүсіповтің жұбайы ауыр жағдайда ауруханаға жатқызылды, деп хабарлайды Qazaqtoday.info сайты.
Әйелдің сіңлісі спортшыны ұзақ жылдар бойы әпкесіне күш көрсеткен деп айыптады. Оның айтуынша, соңғы соққыдан кейін жәбірленуші ес-түссіз, ми ісінуі мен ауыр жарақаттармен жеткізілген.
Полиция қылмыстық іс қозғалғанын растап, тергеу жүріп жатқанын хабарлады. Әзірге Теміртас Жүсіпов тарапынан айыптауларға қатысты ресми пікір білдірілген жоқ.
