Испания футболдан Австрияны 3:0 есебімен ұтып, әлем чемпионатының 1/8 финалына шықты
Испания футбол құрамасы Австрияны 3:0 есебімен ұтып, Әлем чемпионатының 1/8 финалына шықты. Микель Оярсабаль дубль жасады.
Фото: Selección Española Masculina de Fútbol
Испанияның футбол құрамасы Австрияны ірі есеппен жеңіп, Әлем чемпионатының 1/8 финалына жолдама алды, деп хабарлайды Qazaqtoday.info сайты.
АҚШ-тың Инглвуд қаласындағы «Соу-Фай» стадионында өткен 1/16 финалдық кездесу 3:0 есебімен аяқталды. Микель Оярсабаль дубль жасады, екі голға да Марк Кукурелья пас берді. Тағы бір голды Алекс Баэнаның ассистінен кейін Педро Порро соқты.
1/8 финалда Испания құрамасы Португалия мен Хорватия арасындағы кездесудің жеңімпазымен кездеседі.
