Қазақтар Еуропаға визасыз баруы мүмкін: СІМ мәлімдеме жасады
Қазақстан Сыртқы істер министрлігі ЕО-мен визасыз режим мүмкіндігін жоққа шығармады. Ресми өкіл Ерлан Жетібаев келіссөздердің барысы туралы айтты.
Сурет: kz.kursiv.media
Қазақстан азаматтары үшін Еуропалық Одақпен визасыз режим енгізу мәселесі әлі күн тәртібінде тұр, деп хабарлайды Qazaqtoday.info сайты.
Сыртқы істер министрлігінің ресми өкілі Ерлан Жетібаев брифингте Қазақстанның ЕО-мен визасыз режим туралы келісімге келу мүмкіндігін жоққа шығармады. Ол қазақстандықтарды алдымен визалық режимді жеңілдету туралы келісімге қол қойылуын күтуге шақырды, өйткені толық визасыз режим туралы келіссөздерге тек содан кейін ғана көшуге болады.
«Келісімге қол қояйық. Бұл біздің тарап үшін де, еуропалықтар үшін де үлкен қадам болады. Біздің азаматтарымыздың сапарларына ықпал етеді. Осыдан кейін ғана (визасыз режим) мәселесіне қайта ораламыз. Біз сыртқы саяси ведомство ретінде азаматтарымыздың шетелге сапарлары үшін барынша қолайлы келісімдер мен жағдайлар жасау бойынша тұрақты негізде жұмыс істейміз. Барлық шетелдік серіктестермен жұмыс жүргізілуде. Қол қойылған келісімдер бар, біржақты келісімдер де бар», — деді Жетібаев.
