Инфрақұрылымсыз ауыл: Көбенсайдың мәселесі қашан шешіледі?

Фото: видеодан скрин

Солтүстік Қазақстан облысы, Уәлиханов ауданына қарасты Көбенсай ауылының жұрты тағы да дабыл қақты. Жылдар бойы қордаланған мәселелерден көз ашпаған жергілікті халық атқарушы биліктің құрғақ уәдесінен әбден шаршаған, деп хабарлайды Qazaqtoday.info сайты.

Өңір басшылығы мен аудан атқарушылары мәселені шешуге талай рет уәде бергенімен, іс жүзінде ешқандай өзгеріс байқалмайды. Әлеуметтік жағдайдың төмендігі мен инфрақұрылымның жоқтығы солтүстіктегі ауыл тұрғындарын тығырыққа тіреп отыр.

Бүгінде жұрт биліктен есеп беруді емес, нақты іспен нәтиже көрсетуді талап етуде. Егер жағдай осылай жалғаса берсе, Көбенсайдың болашағы бұлыңғыр, ал алты алашқа белгілі қасиетті Уәлиханов ауданындағы бұл ауылдың ертеңі не болмақ? Ауыл халқының жанайқайына құлақ асатын облыс пен аудан шенеуніктері табыла ма, әлде бұл мәселе де жылы жауып қойыла ма? Сұрақ көп, бірақ жауап беретін құзырлы органдар әлі де үнсіз. Тұрғындардың үміті таусылып, шыдамы шегіне жетті.