Өзбекстанда 6 адам қаза тапты
Фото: видеодан скрин
Өзбекстанның Қашқадария облысы Қаршы ауданында тұрмыстық газ баллондарын толтыру станциясында жарылыс болды, деп хабарлайды Qazaqtoday.info ақпарат порталы.
8 маусым күні болған жарылыс пен одан кейінгі өрт салдарынан алты адам қаза тауып, тағы бес адам түрлі жарақатпен ауруханаға жеткізілді. Өрт шамамен бір сағат ішінде толық сөндірілген.
Алдын ала мәлімет бойынша, оқиға кезінде төрт көлік пен жер астындағы екі жанармай резервуары зақымданған.
Қазіргі уақытта жарылыстың нақты себептері анықталуда. Оқиғаға байланысты Өзбекстан үкіметі арнайы комиссия құрды.
