Сауль Альварес Геннадий Головкин туралы жылы пікір білдірді
Фото: видеодан скрин
Сауль «Канело» Альварес қазақстандық боксшы Геннадий Головкин туралы жылы пікір білдірді. Аңызға айналған қарсыластар Александр Усик пен Рико Верхувеннің жекпе-жегі кезінде кездесіп, естеліктерімен бөліскен, деп хабарлайды Qazaqtoday.info ақпарат порталы.
«Біз Геннадиймен түрлі оқиғаларды еске алдық. Арамызда үш керемет жекпе-жек өтті. Біз бір рингте өнер көрсеттік, сондықтан талқылайтын дүние көп болды. Ол не істегісі келсе де, соған лайық адам. Меніңше, ол өз қалауынша әрекет етуге әбден лайық. Егер қайта оралып, тағы бір жекпе-жек өткізсе, бұл керемет болар еді», — деді «Канело».
Айта кетейік, Геннадий Головкин мен Сауль Альварес кәсіби бокста үш мәрте кездескен. Алғашқы айқас тең аяқталса, кейінгі екі жекпе-жекте төрешілер жеңісті мексикалық боксшыға берген еді.
