«Мөлдірге тиісуге хақыңыз жоқ»: емші Бағдагүл Баян Алагөзоваға жауап берді
Ақтөбелік емші Бағдагүл Баян Алагөзованың Мөлдір Әуелбековаға айтқан сынына жауап беріп, продюсерді «әйелдер ынтымағының жоқтығы» үшін айыптады.
Сурет: ozgeris.info
Ақтөбелік емші Бағдагүл Әлиасқарова продюсер Баян Алагөзова мен әнші Мөлдір Әуелбекова арасындағы дауға қатысты пікір білдірді. Ол әлеуметтік желідегі парақшасында Алагөзованың әрекетін сынға алып, Әуелбекованы қолдайтынын жеткізді, деп хабарлайды Qazaqtoday.info сайты.
Емшінің айтуынша, Баян Алагөзованың Мөлдір Әуелбекованы оның өткен өмірі үшін сөгуге моральдық құқығы жоқ. Ол мұндай жағдай жас кезде кез келген адамның басынан өтуі мүмкін екенін алға тартып, продюсердің бұл әрекетінде «әйелдер ынтымағының» жоқтығын атап өтті.
Сондай-ақ Бағдагүл Әлиасқарова қазіргі таңдағы Мөлдір Әуелбекованың келбеті «нағыз қазақ қызының сипатына» сай келетінін айтты. Ол Алагөзованың өзіне де қатысты сын айтып, екі тараптың да кемшілігі барын меңзеді және продюсердің діни киім үлгілеріне қарсы екенін еске салды.
