Қазақстандық боксшылар Сербиядағы турнирден жеті медальмен оралды

Фото: Оlympic.kz

Сербияның Белград қаласында өткен халықаралық бокс турнирінде Қазақстан құрамасы жеті бірдей медаль жеңіп алды, деп хабарлайды Qazaqtoday.info сайты.

Қазақстан қоржынына жалғыз алтын медальді 60 келіге дейінгі салмақта сынға түскен Нұрасыл Төлебек салды. Финалда ол қарсыласынан басым түсіп, турнир чемпионы атанды.

Ал 70 келіге дейінгі салмақта өнер көрсеткен Нұрбек Мұрсал мен 90 келіге дейінгі боксшы Ибрагим Бетаев күміс жүлдеге ие болды.

Сонымен қатар Нұрзат Оңғаров (50 келіге дейін), Нұрсұлтан Шілдебай (80 келіге дейін), Аян Қалмағанбетов (85 келіге дейін) және Аслан Елдібайұлы (90 келіден жоғары) қола медаль еншіледі.