Фото: instagram.com/zhunissova.makpal
Өскеменде жол полициясы танымал әнші Макпал Жүнісова отырған көлікті тоқтатты. Оқиға қала көшелерінің бірінде болғаны видеоға түсіп қалған. Бұл туралы QazaqToday.info ақпараттық порталы хабарлайды.
Кадрлардан полиция қызметкерлері көлік жүргізушісімен сөйлесіп жатқанын көруге болады. Ал көлікте халық әртісі Макпал Жүнісова отырғаны айтылды.
Алдын ала мәліметке сәйкес, жол ережесін бұзу дерегі тексерілген. Алайда бұл жолы полиция тек ескерту жасаумен шектелген.
Әншінің өзі жағдайды сабырмен қабылдап, әзілмен жауап бергені байқалады. Ол Өскеменге концерт беру үшін барған.
Кешке жоспарланған концерт өз уақытында өтеді деп күтіліп отыр. Бұл жағдай желіде қызу талқыланып, түрлі пікірге себеп болды.
Видео: @zhunusova.makpal
