Астанада 3 бала қаза тапты: Өрт сөндірушілер жете алмады ма, кінә кімде?

Фото: видеодан скрин

Астанада үш баланың өмірін жалмаған қайғылы оқиғаға қатысты тұрғын үйлерге өрт сөндіру техникаларының кіре алмау мәселесі талқыланды.  Бұл туралы QazaqToday.info ақпараттық порталы хабарлайды.

Бұл туралы Өнеркәсіп және құрылыс вице-министрі Олжас Сапарбеков пікір білдірді. Оның айтуынша, жаңа қабылданған Құрылыс кодексінде құрылыс салушылардың, жобалаушылардың және басқа да қатысушылардың жауапкершілігі нақты қарастырылған.

Сонымен қатар, вице-министр бұл мәселеде қарапайым тұрғындардың да рөлі маңызды екенін атап өтті.

“Көліктерді дұрыс қоймау да өрт сөндіру қызметінің жұмысына кедергі келтіреді. Бұл – тек заңмен емес, тәрбиемен де байланысты мәселе”, – деді ол.

Яғни, мамандардың айтуынша, кей жағдайда аулалардағы бейберекет тұрақтар төтенше жағдай кезінде минуттармен өлшенетін уақытты жоғалтуы мүмкін. Қайғылы жағдай осы мәселенің қаншалықты өзекті екенін тағы бір рет көрсетті.