Фото: видеодан скрин
Қарағанды қаласында тұрғындарды алаңдатқан жағдай тіркелді. Бөкетов көшесі, 3-үйдің маңындағы қоқыс алаңы үйге тым жақын қойылған.
Бұрын аулада тұрған контейнерлер енді тұрғындардың дәл терезе түбіне көшірілген. Соның салдарынан жағымсыз иіс күшейіп, санитарлық жағдай нашарлаған.
Тұрғындар жертөледе егеуқұйрықтар көбейгенін айтып отыр. Олар бұл жағдайды қоқыс алаңының дұрыс орналаспауымен байланыстырады.
Жергілікті халық бірнеше рет шағым түсірген. Тіпті прокуратураға дейін ұжымдық арыз жолданған. Алайда нақты нәтиже жоқ, жауапты органдардан реакция болмаған.
Тұрғындар бұл шешімнің кімге тиімді екенін түсінбей отыр.
Дереккөз: @msu.city
