Ақтауда жер опырылып жатыр: әкімдік қашан қозғалады?
Фото: видеодан скрин
Ақтауда жол ортасында жер опырылып, тұрғындарды алаңдатты. Оқиға 3-шағын ауданда, 138 және 139 үйлердің арасында болған. Бұл туралы QazaqToday.info ақпараттық порталы хабарлайды.
Кәдімгі жолдың үстінде кішкентай шұңқыр пайда болып, біртіндеп үлкейіп бара жатыр. Видеоға қарағанда, топырақтың өзі отырып, астына тартып жатқандай көрінеді.
Әзірге бұл тек шұңқыр, бірақ ертең үлкен апатқа айналуы мүмкін. Тұрғындар “біреу құлап кетпей тұрғанда неге қоршалмайды?” деп наразы7 Себебі бұл жерден күнде адамдар да, көліктер де өтеді.
Мамандар мұндай жағдай көбіне жер асты коммуникацияларының тозуынан болатынын айтады. Алайда жауапты мекемелерден нақты әрекет әлі байқалмайды. Қауіптің алдын алу үшін әкімдік шұғыл шара қабылдауы тиіс.
Дереккөзі: andryushinaz
