Атырауда жеңіл көлік пен тепловоз соқтығысты (ВИДЕО)
Фото: Видеодан алынған кадр
Атырауда теміржол өткелінен өтіп бара жатқан жеңіл көлік пен тепловоз соқтығысып қалды. Бұл туралы QazaqToday.info ақпараттық порталы хабарлайды.
«Ақ Жайық» басылымының мәліметінше, 17 наурызға қараған түні шамамен сағат 00:20-де Атырау – Дамба автожолы бойындағы жанармай құю бекеті маңындағы теміржол өткелінде пойыздың қатысуымен жол-көлік оқиғасы болды.
Атырау облысы Полиция департаментінің баспасөз қызметінің мәліметінше, тепловоз Volkswagen Passat автокөлігімен соқтығысқан. Көлікті 2000 жылы туған жүргізуші басқарған. Зардап шеккендер жоқ.
Қазіргі уақытта полицейлер материалдар жинап, оқиғаның барлық мән-жайын анықтап жатыр.
