Семейде балалар ойын-сауық орталығы өртке оранды: қауіпсіздікке кім жауап береді?

Фото: видеодан скрин

Семей қаласында орналасқан балаларға арналған ойын-сауық орталығы өртке оранды. Оқиға орнына жеткен өрт сөндірушілер ғимараттың ашық жалынмен жанып жатқанын анықтаған. Өрт жылдам өршіп, ғимараттың шатыры құлағаны хабарланды.

Оқиға кезінде орталықтағы адамдар өз күштерімен сыртқа шығып, эвакуацияланған. Алдын ала мәлімет бойынша, зардап шеккендер туралы ақпарат жоқ. Қазір өртті толық сөндіру жұмыстары жалғасып жатыр.

Алайда балалар баратын нысандардағы қауіпсіздік талаптарының сақталуы тағы да қоғамның алаңдаушылығын күшейтті. Мұндай орындардың өрт қауіпсіздігі қалай тексеріледі және оған жергілікті әкімдік қаншалықты бақылау жүргізіп отыр деген сұрақ туындайды. Сарапшылардың айтуынша, балалар жиналатын нысандарда қауіпсіздік талаптары қатаң сақталуы тиіс, әйтпесе мұндай жағдайлар қайталануы мүмкін.

Видео: abay.today