Мемлекет басшысы Қасым-Жомарт Тоқаевтың Жарлығымен Әсет Ерғалиев жаңа қызметке тағайындалды, деп хабарлайды Qazaqtoday ақпарат агенттігі.
Ақорданың ресми хабарлауынша, Әсет Арманұлы Ерғалиев енді Қазақстан Республикасы Президентінің кеңесшісі – Стратегиялық жоспарлау және реформалар агенттігінің төрағасы лауазымын қатар атқаратын болды.
Бұған дейін ол Президенттің экономикалық мәселелер жөніндегі көмекшісі қызметінде болған. Әсет Ерғалиев 2021-2022 жылдары Ұлттық экономика министрі лауазымын атқарғаны белгілі.
Стратегиялық жоспарлау және реформалар агенттігі – тікелей Мемлекет басшысына бағынатын және есеп беретін маңызды мемлекеттік орган.
Фото: Әлеуметтік желіден
