Оралдағы шұжық цехы: 40 жастағы жұмысшыны қондырғы жаншып тастады
Орал қаласындағы шұжық цехтарының бірінде қайғылы оқиға тіркелді. 40 жастағы жұмысшы өндірістік қондырғыға қысылып, көз жұмды.
file_229.jpg
Орал қаласындағы кәсіпорындардың бірінде жұмысшыны қондырғы қысып, ол оқиға орнында көз жұмды, деп хабарлайды Qazaqtoday ақпарат агенттігі.
Қайғылы оқиға қаладағы ЖШС-нің біріне қарасты шұжық цехында болған. Өндірістік жарақат алған 40 жастағы ер адам сол жерде мерт болды.
Бұл деректі Батыс Қазақстан облысы бойынша Мемлекеттік еңбек инспекциясы комитетінің департаменті растады. Ведомство өкілдері оқиғаға қатысты тиісті іс жүргізіліп жатқанын жеткізді.
БҚО полиция департаментінің баспасөз қызметі жұмысшының қазасы бойынша қылмыстық іс қозғалып, соталды тергеу амалдары басталғанын хабарлады.
Фото: Әлеуметтік желіден
