Фото: Видеодан алынған кадр
Танымал әнші Шахизада әлеуметтік желідегі парақшасында алғашқы махаббатымен бірге түскен видеоны жариялады, деп хабарлайды Qazaq Today ақпарат порталы.
Өнер иесінің айтуынша, бейнежазба сыныптастарымен өткен тойдан кейін түсірілген. Сол кеште ол мектеп кезіндегі алғашқы сезімімен қайта қауышқанын атап өтті.
«Кеше тойға барып, сыныптастарыммен жүздестім. Кеш керемет өтті. Ал мына видеода — мектептегі алғашқы махаббатым “Бұл сезімді қайтейін” әнін орындап тұр. Ал мен жанында күліп тұрмын, бәрі кинодағыдай болып кетпесін деп. Ал сіздер алғашқы бала махаббаттарыңызды еске алдыңыздар ма?» — деп жазды Шахизада.
Желі қолданушылары видеоны қызу талқылап, түрлі пікір қалдырды. Оқырмандардың арасында «Алғашқы махаббатыңызбен дуэт керемет болар еді», «Таза сезімдер сезіледі», «Жігіт өте талантты, дауысы тамаша», «Екеуіңіз сахнада бірге ән айтсаңыздар, жарасымды болар еді» деген пікірлер жиі кездесті.
