Талдықорғандықтар Назарбаевтың атын көше атауынан алып тастауды сұрады
Жетісу облысының тұрғындары Назарбаев даңғылының бұрынғы атауын қайтаруды сұрады. Елбасының атын көше атауынан алып тастау туралы ақпарат қалалық Қоғамдық кеңестің отырысында айтылды, деп хабарлайды Qazaq.today ақпараттық агенттігі azattyq-ruhy сілтеме жасап. Қоғамдық кеңестің кезекті отырысы 30 қарашада өткен. Қаралған мәселелер:
- Талдықорған қаласы бойынша шетелдіктер үшін 2023 жылға арналған туристік жарна ставкаларын бекіту туралы жоба;
- Талдықорған қаласының 2022-2024 жылдарға арналған бюджетін нақтылау.
«Сондай – ақ, Жетісу облысының әкімдігі мен облыстық мәслихатқа Қоғамдық кеңес мүшелерінің бастамасы бойынша Назарбаев көшесіне Тәуелсіздік атауын қайтару туралы хаттар жолданды», — делінген хабарламада.
