Digital Almaty Awards 2024 форумының жеңімпаздары марапатталды
Фото: Александр Павский/Kazinform
«Digital Almaty-2024» халықаралық форумы аясында цифрландыру саласында үздік жетістіктерге жеткен жоба иелері марапатталды, деп хабарлайды Qazaq Today ақпарат агенттігі.
Жеңімпаздарды марапаттау рәсімі ЕАЭО-ға қатысушы елдердің үкімет басшыларының пленарлық отырысы аясында өтті.
Марапат мұнай, тау-кен өнеркәсібі, өнеркәсіптік инновациялар, саладағы әйелдер көшбасшылығы, IT көшбасшылығы, экологиялық, әлеуметтік және басқару жауапкершілігі (ESG) және блокчейн технологиясын қамтитын негізгі жеті номинация бойынша берілді.
Номинациялар бойынша жеңімпаздар:
Blockchain Innovation Award — Blockchain Center, Айдана Қасқырбек, CEO & Founder;
Mining Site Digitalization Award – «Шұбаркөл Премиум» АҚ, бас директоры Фарит Азизов;
Innovative Industrial Solution Award – «AG TECH» ЖШС бас директоры Александр Подвалов;
Oil Field Digitalizat – «KAZPETROL GROUP» ЖШС кен орындарының директоры Дастан Солтыбеков;
ESG Innovation in Industry Award – «FACEPLATE» ЖШС президенті Ержан Жанзақов;
Industrial CIO Excellence Award – «Бақыршық тау-кен өндіру кәсіпорны» ЖШС техникалық директордың цифрлық технологиялар және автоматты басқару жүйелері жөніндегі орынбасары Владислав Черепанов;
Female Industrial Leadership Award – «AltynEx Company» АҚ Басқарма төрағасы Юлия Алимова;
Форумды ұйымдастырушылардың айтуынша, Digital Almaty Awards сыйлығы Digital Almaty халықаралы цифрлық форумы аясында жыл сайын, дәстүрлі түрде берілетін марапатқа айналды.
Сыйлық алғаш рет 2020 жылы «Digital Almaty: жаһандық экономиканың цифрлық болашағы» форумында табыс етілді.
Дереккөз: ҚазАқпарат
