Назарбаевтың Мәскеуге неге барғаны белгілі болды

Нұрсұлтан Назарбаев Ресей Федерациясына неге барғаны белгілі болды.

Назарбаев Ресей Президенті Владимир Путинмен кездесіп, елдің ұлттық мерекесі – Ресей күнімен құттықтаған.

Кездесуде Қазақстанның Тұңғыш Президенті мен Ресей Федерациясының Президенті екі ел арасында қарым-қатынас орнағанына 30 жыл толуына орай бір-біріне жылы лебіздерін жеткізді. Тараптар Қазақстан мен Ресей ынтымақтастығы тең дәрежедегі диалог негізінде дамып келе жатқанын атап өтті.

Нұрсұлтан Назарбаев пен Владимир Путин бір-біріне мықты денсаулық және амандық тілеп, арадағы достық байланыс алдағы уақытта да Қазақстан мен Ресей халықтарының игілігі үшін жалғасын табады деген сенім білдірді.

Айта кетейік, бұған дейін Назарбаевтың атына тіркелген VIP-ұшақтың 10 маусымда Мәскеуге қонғаны туралы хабар тараған болатын.