Шекарадағы кептеліс қашан бітеді? Қазақстан мен Өзбекстан арасындағы мәселе Мәжілісте көтерілді

Фото: видеодан скрин
Қазақстан мен Өзбекстан шекарасындағы көлік кептелісі мен жүк тасымалдау кезіндегі кедергілер әлі де өзекті мәселе болып отыр, деп хабарлайды Qazaqtoday.info сайты.

Мәжіліс депутаты Бақтыбек Бибаевтың айтуынша, бұған екі ел арасындағы сауда көлемінің артуы, шекара инфрақұрылымының жеткіліксіздігі және бірлескен жұмыстың баяу жүруі себеп. Соның салдарынан шекарадан өтетін жүк көліктерінің қозғалысы қиындап, тауар тасымалдауда кідірістер туындайды. Депутат бұл мәселелерді шешу үшін шекарадағы өткізу мүмкіндігін арттыру және екі елдің өзара жұмысын жеделдету маңызды екенін атап өтті. Әсіресе, сауда айналымы өсіп жатқан кезде шекарадағы кедергілерді азайту қажеттігі айтылды. Ал көлік кептелісі қашан толық шешілетіні әзірге белгісіз.