Сәтбаев қаласында өрт шығып, 14 адамды эвакуациялады
Фото: видеодан скрин
Сәтбаев қаласы Ұлытау көшесінде орналасқан 5 қабатты көппәтерлі тұрғын үйдің бірінші қабатындағы пәтерден өрт шықты. Бұл туралы Qazaqtoday.info сайты хабарлайды.
Құтқарушылар барлау жұмыстарын жүргізіп, тұрғындарды үйден эвакуациялауға кірісті.
Өртті сөндіру барысында көршілес пәтерлерден 14 адам, оның ішінде 8 бала эвакуацияланды.
Сонымен қатар құтқарушылар жанып жатқан пәтерден түтінге тұншыққан мысықты алып шықты. Жануардың тыныс алуы қиындағандықтан, оған құтқарушының тыныс алу аппаратының көмегімен алғашқы көмек көрсетілді. Өрт сөндірушілердің жедел әрекетінің арқасында өрт қысқа мерзімде сөндірілді.
Өртті сөндіруге «Серіктес» ЖШС қызметкерлері де қатысты.
