Қызылордада балалар ойын алаңының құрылысы аяқсыз қалған: тұрғындар мердігерге наразы

Фото: видеодан скрин

Қызылордада балалар ойын алаңының құрылысы аяқталмай, тұрғындардың наразылығын тудырды. Бұл туралы Qazaqtoday.info сайты хабарлайды.

Әйтеке би көшесіндегі аулалардың бірінде мердігер ойын алаңын орнатуға кіріскенімен, жұмысты соңына дейін жеткізбеген. Тұрғындардың айтуынша, құрылыс орнында қалған қиыршық тас пен тастарды балалар жан-жаққа шашып, ойнап жүр. Жергілікті халық мердігерден жұмысты тезірек аяқтап, аумақты қауіпсіз жағдайға келтіруді талап етуде. Ал қалалық тұрғын үй-коммуналдық шаруашылық бөлімі ойын алаңының құрылысы жоба аясында белгіленген мерзімге сай жүргізіліп жатқанын мәлімдеді. Дегенмен тұрғындар балалар ойнайтын орынның қашан толық пайдалануға берілетінін білгісі келеді.

Видео: @kritikakyzylorda_