Маңғыстау облыстық ауруханасының бас есепшісі 7 жылға сотталды

Фото: Pixabay

Маңғыстау көп бейінді облыстық ауруханасының бас есепшісі бюджет қаражатын жымқырғаны үшін 7 жылға бас бостандығынан айырылды, деп хабарлайды Qazaqtoday.info ақпарат порталы.  

Сондай-ақ ол 5 жыл бойы бухгалтерлік қызметпен айналысу құқығынан айырылды.

Облыс прокуратурасының тексеруі нәтижесінде ауруханада 32 млн теңгеден астам бюджет қаражатын жымқыру фактісі анықталған.

Аталған дерек бойынша Қылмыстық кодекстің 189-бабы 4-бөлігінің 2) тармағымен (аса ірі мөлшерде сенiп тапсырылған бөтен мүлiктi иемденiп алу немесе талан-таражға салу) қылмыстық іс қозғалды.

Тергеу мәліметінше, бас есепші танысымен алдын ала сөз байласып, бюджет қаражатын жеке кәсіпкерлер мен заңды тұлғалардың шоттарына аударып, кейін қолма-қол ақшаға айналдырған.

Сотталушының кінәлі деп танылды. Бас есепшінің сыбайласына 7 жылға бас бостандығын шектеу жазасы тағайындалды.