Астанада базар жанынан 47 жастағы әйелдің денесі табылды

Фото: Pixabay

Астанада базар жанынан 47 жастағы әйелдің денесі табылды, деп хабарлайды Qazaqtoday.info ақпарат порталы.  

Әлеуметтік желіде оқиға орнынан түсірілген видео тарады.

«Сауда базарының алдынан зорлық-зомбылық белгілері жоқ 47 жастағы әйелдің мәйіті табылды. Алдын ала мәліметке сәйкес, әйел адамның денсаулығы кенеттен нашарлап, жедел жәрдем бригадасы жеткенше қайтыс болған. Тексеру жұмыстары жүргізіліп жатыр», – деп хабарлады қалалық полиция департаменті.

Астана қаласының Қоғамдық денсаулық сақтау басқармасының мәліметінше, жедел жәрдемге шақырту сағат 18:14-те түскен. Дәрігерлер бригадасы оқиға орнына 18:19-да жеткен.

«Жедел жәрдемнің ұзақ жеткені туралы ақпарат шындыққа жанаспайды. Көрсетілген мекенжай бойынша жедел медициналық жәрдем бригадасы оқиға орнына жетті. Әйел адамның денесінен тіршілік белгілері анықталмады. Марқұмның денесі полиция қызметкерлеріне тапсырылды», – делінген хабарламада.