Гүлзира Айдарбекова ұлын сынаушыларға жауап берді
Гүлзира Айдарбекова ұлы Қайрат Нұртасты «анасының баласы» деп сынайтындарға жауап берді. Продюсер бұл сөздің 20 жыл бойы айтылып келе жатқанын атап өтті.
Сурет: Әлеуметтік желіден
Танымал продюсер әрі әнші Қайрат Нұртастың анасы Гүлзира Айдарбекова ұлын «анасының баласы» деп сынайтындарға жауап қайтарды.
Бұл туралы Qazaqtoday.info сайты хабарлайды.
Продюсер бұл сөздің ұлына 20 жыл бойы айтылып келе жатқанын атап өтті. Оның пікірінше, мұндай сындар Қайраттың анасына деген құрметін кемсітуге бағытталған.
«Мамасының баласы! Бұл мысқыл 20 жыл не үшін айтылды? Әрине, құздан құлату, қара ниетпен миын улау. Қай мықтыңды қарасаң да, анасын құрметтеңдер! Себебі ана жүрегі, ана дұғасы – сенің қалқаның!» – деп жазды Гүлзира Айдарбекова.
