Астанада саяхатшының велосипеді жоғалды деген ақпарат расталмады

Сурет: instagram.com/burlen.adilet

Әлеуметтік желіде танымал саяхатшы Бүрлен Әділетқызының велосипеді жоғалғаны туралы видео тараған соң, елордалық полиция бұл мәселені тексеруге кірісті. Алайда велосипед иесінен құқық қорғау органдарына ресми арыз түспеген.

Бұл туралы Qazaqtoday.info сайты хабарлайды.

Тексеру нәтижесінде көлік құралының ұрланбағаны анықталды. Саяхатшы велосипедін құрбысының үйінде қалдырып кеткен екен.

Астана қаласының полиция департаменті: «Тексеру барысында ұрлық дерегі расталмады: велосипед құрбысының үйінде қалғаны анықталды», – деп мәлімдеді.

Осыған байланысты полиция әлеуметтік желіде негізсіз немесе көрінеу жалған ақпарат таратқаны үшін заңда жауапкершілік қарастырылғанын еске салды.