Қазақстан еркін күресшілері Еревандағы халықаралық турнирде 6 медаль жеңіп алды
Қазақстан еркін күрестен Армениядағы халықаралық турнирде 1 алтын, 5 қола медаль жеңіп алды. Жеңімпаздар тізімі мен нәтижелер осы мақалада.
Фото: ҚР ҰОК
Арменияның Ереван қаласында өткен еркін күрес бойынша халықаралық жарыста Қазақстан құрамасы өз қоржынына алты медаль салды: бір алтын және бес қола. Бұл туралы Qazaqtoday.info сайты хабарлайды.
79 келі салмақ дәрежесінде Ерхан Әбіл ел намысын қорғап, чемпион атанды. Ал 57 келіде Еламан Амангелді, 61 келіде Мерей Базарбаев, 86 келіде Мағжан Жаңырбай, 97 келіде Нұрдәулет Бекенов және 125 келіде Әлімжан Сәлімжан қола жүлдеге ие болды.
Айта кетейік, бұған дейін регби-7 Азия сериясына қатысатын әйелдер құрамасының құрамы белгілі болған еді.
