Анна Данченко анасына деген махаббаты туралы сыр шертті

Сурет: turkystan.kz

Тележүргізуші Анна Данченко әлеуметтік желідегі парақшасында анасына деген ыстық ықыласын білдіріп, оны жоғалтудан қатты қорқатынын жазды. Оның сөзінше, анасы – оның өмірінің мәні, ал қайғысын ешкім түсіне алмайды. «Анашым, өтінемін, өмір сүрші! Менің қайғымды ешкім және ешқашан түсінбейді. Менің не сезініп жүргенімді де ешкім сезе алмайды. Анашым – менің өмірім! Менде сенен басқа ешкім жоқ. Сені жоғалтуға дайын емеспін. Анашым, өтінемін, өмір сүрші!» деп жазды ол, деп хабарлайды Qazaqtoday.info сайты.

Сонымен қатар, жүргізуші архивтегі бейнежазбамен бөлісіп, анасына арнаған тағы бір әсерлі жазбасын жариялады. «Егер сен кетіп қалсаң, мені өзіңмен бірге ала кет. Мен әкем екеуіңе ән айтып беремін. Анашым, маған өте ауыр. Қалшы, өтінемін!» делінген жазбада.

Айта кетейік, журналист бұған дейін анасының кенеттен ауруханаға түскенін хабарлап, оқырмандарынан дұға сұраған еді. «Анам ауруханаға түсіп қалды. Дұғада болыңыздаршы. Мен жолға шықтым. Елге аман-есен жетейін. Жүрегім жарылардай. Алда 22 сағат. Көз жасым тоқтамай тұр», – деп жазды ол.