Жаңасын төсеп, қайта бүлдірген бе? Семейдегі жөндеу тұрғындардың ашуын туғызды

Фото: видеодан скрин

Семейде Абай көшесіндегі жөндеу жұмыстары тұрғындардың наразылығын туғызды. Желіде тараған видеодағы мәліметке қарағанда, ескі плиткаларды бұзу кезінде бұған дейін орнатылған жаңа бордюрлерге зақым келген.

Қала тұрғындары жұмыстың неге рет-ретімен жүргізілмегеніне сұрақ қойып отыр. Олардың айтуынша, алдымен ескі плитканы алып, содан кейін ғана жаңа бордюр орнату қисынды болар еді. Қазір Абай көшесінде жөндеу жұмыстары жүріп жатқаны туралы жергілікті ақпарат көздері де хабарлаған. Тұрғындар енді бүлінген бордюрлер қайта ауыстырыла ма және оған қосымша қаражат жұмсала ма деген сауалға жауап күтеді.

Видео: Telegram / Abainews