Шакира жер сілкінісінен зардап шеккен Колумбияға 10 мектеп салып береді
Шакира жер сілкінісінен зардап шеккен Колумбияның Чоко департаментіне барып, 10 жаңа мектеп салуға уәде берді. Жоба Pies Descalzos қоры мен Говард Баффеттің қолдауымен жүзеге асады.
Сурет: madeniportal.kz
Колумбиялық әнші Шакира жер сілкінісінен зардап шеккен Чоко департаментіне кенеттен барып, қираған мектептерді аралап, оқушылармен жүздесті. Ол кемінде 10 жаңа мектеп салуға және Чоко технологиялық университетін қалпына келтіруге көмектесетінін мәлімдеді, деп хабарлайды Qazaqtoday.info сайты.
Бұл жоба оның Pies Descalzos қоры мен америкалық филантроп Говард Баффеттің бірлескен қолдауымен жүзеге асырылмақ. Сонымен қатар, Global Citizen мен Live Nation ұйымдары 1 млн доллар бөлді.
Еске салайық, 10 тамыздағы 7,4 баллдық жер сілкінісінен 289 адам қаза тауып, 4187 адам жарақат алған еді. Шамамен 27 мың үй қираған. Ал ел президенті апаттан кейінгі қалпына келтіру жұмыстарына 9,5 млрд доллар қажет екенін айтқан болатын.
Айта кетейік, Шакира 1977 жылғы 2 ақпанда Колумбияның Барранкилья қаласында дүниеге келген. Оның анасы колумбиялық, ал әкесі ливандық текті колумбиялық.
