Бірнеше күнге ғана жеткен жөндеу: Өскеменде жамалған жол қайта ойылды

Фото: видеодан скрин

Өскеменде бірнеше күн бұрын ғана жамалған жолдың қайта ойылып қалғаны тұрғындардың наразылығын туғызды. Қала тұрғыны түсірген видеода жөндеу жүргізілген тұста қайтадан шұңқыр пайда болғаны көрінеді.

Жергілікті билік бұған дейін жөндеуді қажет ететін жолдардың барлығында шұңқырларды жамау жұмыстары жүргізілетінін хабарлаған, алайда нақты мерзімі мен учаскелерін атамаған. Енді тұрғындар бірнеше күнге ғана шыдаған жамаудың сапасына күмән келтіріп, бюджет қаржысына атқарылған жұмыстың неге мұнша тез бүлінгенін сұрап отыр. Қала әкімдігі жол жөндеу жұмыстарының сапасын қадағалап, кемшілікке жол берген мердігерден оны қайта қалпына келтіруді талап етуі тиіс. Бірнеше күннен кейін қайта ойылатын жолға қаражат жұмсау — мәселені шешу емес, уақытша бүркемелеу ғана.

Видео: osa_news_vko