Жазира Байырбекова ене болудың қиындығын айтып, кеңес сұрады

Сурет: turkystan.kz

Әйгілі әнші Жазира Байырбекова әлеуметтік желідегі парақшасында ене болудың оңай емес екенін жеткізіп, оқырмандарынан кеңес сұрады, деп хабарлайды Qazaqtoday.info сайты.

Өнер иесі ене қандай болу керектігін әлі нақты айта алмайтынын білдірді. Оның сөзінше, ене болу ана болудан қиынырақ. «Ене болу қалай екен? Ене қандай болу керек екенін ене болғанда айтамын дейтінмін. Қазір де нақты айта алмаймын. Маған енеден гөрі ана болу оңайырақ әрі жеңіл сияқты», – деп жазды Жазира Байырбекова.

Сондай-ақ әнші жас енелерге кеңес берді. Оның айтуынша, келінге ене емес, «мама» болуға тырысқан жеңілірек. «Ене бола алмай, қалай ене болам деп жатсаңыздар, жай ғана «Мама» бола салыңыздар. Жеңіл болады. Осында ене болған аналар болса, кеңестеріңізді жаза отырыңыздар!» – деді ол.