«Енеден гөрі ана болған оңай»: Жазира Байырбекова ене мен келін тақырыбын қозғады

Танымал әнші Жазира Байырбекова әлеуметтік желідегі парақшасында ене болудың оңай емес екенін айтып, оқырмандарынан кеңес сұрады, деп хабарлайды Qazaqtoday.info ақпарат порталы.

«Ене болу қалай екен? – дейсіздер. Ене қандай болу керек екенін ене болғанда айтамын дейтінмін. Қазір де нақты айта алмаймын. Маған енеден гөрі ана болу оңайырақ әрі жеңіл сияқты. Жас енелерге лайфхак: ене бола алмай, қалай ене болам деп жатсаңыздар, жай ғана «Мама» бола салыңыздар. Жеңіл болады. Осында ене болған аналар болса, кеңестеріңізді жаза отырыңыздар!» – деп жазды әнші.

Жазбаның астына оқырмандар да өз тәжірибелерімен бөлісіп, Жазира Байырбековаға түрлі кеңес қалдырды.

«Бәріне көз жұмып, өзің істеп жүре бересің», «Сабыр керек», «Саналы келін өзі-ақ алып кетеді», «Сен ене емес, ана болу үшін ол да анасындай көру керек», – деп жазды желі қолданушылары.