«Тойды 3 жылдан кейін жасадық»: Диана Скатова мен күйеуі ауыр сынағы жайлы айтты (ВИДЕО)
Фото: Инстаграм
Танымал тележүргізуші Диана Скатова мен сүйіктісі Сұлтан Нұрбеков шаңырақ көтерер алдында үш жыл бойы арақашықтықтағы қарым-қатынасты сақтап келгендерін айтты, деп хабарлайды Qazaqtoday.info ақпарат порталы.
Жақында жұп құдалық пен ұзату рәсімдерін өткізіп, өмірлеріндегі маңызды кезеңді атап өтті.
Анна Данченкоға берген сұхбатында Сұлтан Нұрбеков ұзақ уақыт екі жақта бөлек жүрудің оңай болмағанын жеткізді.
«Қыз баласына екі есе қиын деп ойлаймын. Біз көбіне жұмысты ойлаймыз. Қосылғанда, бірден сыналдық. Барлық қиындыққа шыдап осы керемет күнге жетіп отырмыз», – деді ол.
Өз кезегінде Диана Скатова да бұл кезеңнің екеуі үшін үлкен сынақ болғанын жасырмады.
«Ұрыссаң да, еркелесең де қасыңда жоқ. Соның бәріне шыдап әдемі нүкте қойдық. Мінез осал болса, шыдамас едік», – деді тележүргізуші.
Айта кетейік, бұған дейін жұптың құдалық және ұзату рәсімінен түсірілген видеолары әлеуметтік желілерде кеңінен таралған болатын.
