«Ауылбай, колхозсыңдар»: Тұрсынбек Қабатовтың қызы ауылдықтарды кемсітіп, оңбай сөз естіді

Фото: Видеодан скрин

Танымал әзілкеш Тұрсынбек Қабатов пен әнші Мөлдір Мұқанның қызы Айару Тұрсынбекқызы әлеуметтік желідегі тікелей эфир кезінде айтқан пікірі үшін қатаң сынға қалды, деп хабарлайды Qazaqtoday.info ақпарат порталы.

Ол тікелей эфир кезінде  өзіне жағымсыз пікір жазғандарға жауап беріп, оларды «ауылдан шыққан адамдар», «колхоз» деп сипаттады.

«Маған жаман пікір жазатындардың бәрі ауылдан шыққан деп ойлаймын. Өмірде ештеңеге қол жеткізбеген адамдар. Ал мен 14 жасымда жақсы билеймін, коньки тебемін, футбол ойнаймын. Сендер осылардың бірін істей аласыңдар ма? Мүмкін, физикалық тұрғыдан емес шығар, бірақ өздеріңді ауылдан шыққан адамдар сияқты ұстайсыңдар. Тіпті “колхозсыңдар” деуге болады», – деді ол.