Петропавлда жалаңаш субұрқаққа түскен ер адам 15 тәулікке қамалды
Солтүстік Қазақстан облысы Петропавл қаласында мас ер адам түнде жалаңаш күйде субұрқаққа түсіп, ұсақ бұзақылық үшін 15 тәулікке қамалды.
Солтүстік Қазақстан облысы полиция департаментінің мәліметінше, 2 шілдеге қараған түні сағат 00:30 шамасында Петропавл қаласының басты алаңындағы субұрқақта жалаңаш күйде жуынып жүрген мас ер адам анықталды, деп хабарлайды Qazaqtoday.info сайты.
Ол ұсақ бұзақылық жасағаны үшін әкімшілік жауапкершілікке тартылды. Өз сөзінде ер адам достарымен сыра ішкенін, ал субұрқаққа не себепті түскенін есіне түсіре алмайтынын айтқан.
Сот шешімімен ер адам 15 тәулікке әкімшілік қамауға алынды.
