«Астана — Ақтау» бағытындағы пойызды тарақан жайлаған

Фото: Pixabay

Әлеуметтік желілерде №37 «Маңғыстау – Семей» бағытындағы жолаушылар пойызының купесінде қаптап жүрген тарақандардың видеосы тарап, қоғамда үлкен талқылау тудырды, деп хабарлайды Qazaqtoday.info порталы..

Жәндіктердің қабырғалар мен төсек-орындарда еркін өріп жүргенін көруге болады. Аталған жағдайға байланысты «Жолаушылар тасымалы» АҚ ресми жауап беріп, түсініктеме берді. Компанияның қабылдаған шаралары: Жоспардан тыс дезинсекция: Оқиға орын алған вагон соңғы станцияға жеткен бойда шұғыл түрде толықтай залалсыздандыру өңдеуінен өткізіледі. Тексеріс барысында бұл вагонға соңғы рет жоспарлы дезинсекция жұмыстары жуырда ғана, яғни 2026 жылдың 30 мамырында талаптарға сай жүргізілгені анықталды.

Тәртіптік жауапкершілік: Вагонның санитарлық жағдайының талапқа сай болмауына байланысты кінәлі қызметкерлер жазаланды. Комиссияны жауапқа тарту: Сапар алдында жылжымалы құрамның тазалығын тиісті деңгейде бақыламағаны үшін рейске дейінгі қабылдау комиссиясының барлық мүшелері де қатаң тәртіптік жауапкершілікке тартылды. «Жолаушылар тасымалы» АҚ орын алған қолайсыздық үшін жолаушылардан кешірім сұрайды.