Ақмола тұрғыны қайғылы жағдайда көз жұмды
Фото: Zakon.kz
Астана – Щучинск тас жолының 126-шақырымында Lada-2110 маркалы автокөлік жоғары жылдамдықпен жол қоршауына соғылған. Бұл туралы QazaqToday.info ақпараттық порталы turkystan.kz-ке сілтеме жасап хабарлайды.
Полиция мәліметінше, жол-көлік оқиғасы 4 мамыр күні болған. Апат салдарынан бір жолаушы оқиға орнында көз жұмды, тағы біреуі түрлі жарақаттармен медициналық мекемеге жеткізілді.
«Қазіргі уақытта сотқа дейінгі тергеу жүргізілуде, оның қорытындысы бойынша процессуалдық шешім қабылданады», – деп қосты баспасөз қызметі.
Полиция департаменті осындай оқиғалардың алдын алу үшін жол қозғалысына қатысушыларға жылдамдық режимін сақтауды, әсіресе қозғалыс қарқынды учаскелерде, сондай-ақ көліктің техникалық жағдайын бақылауды ескертеді.
