Шарджадан Алматыға эвакуациялық рейспен 167 қазақстандық жеткізілді
Олар Шарджа қаласынан арнайы ұйымдастырылған Flight 251 эвакуациялық рейсімен ұшып келді. Алматы халықаралық әуежайына Біріккен Араб Әмірліктерінен тағы 167 Қазақстан азаматы жеткізілді. Бұл туралы QazaqToday.info ақпараттық порталы хабарлайды.
Алматы қаласы өңірлік коммуникациялар қызметінің мәліметінше, әуежайда елге оралған отандастарын туған-туыстары қарсы алды. Қауіпсіз түрде елге жеткізілген азаматтар мемлекет тарапынан көрсетілген қолдау үшін алғыс білдірді.
Жолаушылардың бірі Қазақстан билігі қиын жағдайда азаматтарын жалғыз қалдырмағанын айтып, Президентке және елге оралуға көмектескен Сыртқы істер министрлігінің қызметкерлеріне ризашылығын жеткізді. Оның айтуынша, мұндай қолдау адамдарға үлкен рухани демеу береді.
